Sagan okkar
Dögun er íslenskt framleiðslufyrirtæki með aðsetur á Sauðárkróki. Félagið var stofnað árið 1983 og hefur starfað samfleytt í meira en 40 ár. Félagið sérhæfir sig í vinnslu á kaldsjávarrækju úr N-Atlantshafi. Félagið er einnig þáttakandi í rækjuútgerð í Barentshafi.
Vinnsla hófst árið 1984 og var þá lögð áhersla á vinnslu á innfjarðarrækju úr Skagafirði. Frá þeim tíma hefur félagið farið í gegnum fjölmargar uppfærslur á framleiðslubúnaði og aukið alla tækni og sjálfvirkni við framleiðsluna. Afköst hafa margfaldast og rekur félagið nú eina fullkomunustu rækjuvinnslu á norðurslóðum.
Framleiðsla og þróun
Á hverju ári vinnur Dögun afurðir úr þúsundum tonna af hráefni og starfa um 30 manns hjá fyrirtækinu. Með breyttum aðstæðum í rækjuveiðum við Íslandsstrendur hefur Dögun aðlagað starfsemi sína og byggt upp sterkt hráefnisflæði frá alþjóðlegum veiðisvæðum, meðal annars í Barentshafi, við Kanada, Íslandsstrendur og við Austur Grænland.
Með langtímasamningum og samstarfi við útgerðir er tryggt stöðugt framboð af hráefni.
Markaðir og vörur
Vörur Dögunar eru fullunnar og tilbúnar til neyslu. Þær eru seldar bæði á innlendum og erlendum mörkuðum. Meginhluti framleiðslunnar fer á erlenda markaði og ber þar helst að nefna Bretland, Danmörk og önnur Evrópulönd. Sala til Asíu hefur einnig vaxið undanfarin ár.
Fyrirtækið leggur mikla áherslu á stöðug gæði og áreiðanleika í viðskiptum.
Gæði og ábyrgð
Gæði, rekjanleiki og ábyrg nýting auðlinda eru í forgrunni í allri starfsemi Dögunar. Stór hluti framleiðslunnar er MSC vottaður og unnið er markvisst að því að tryggja sjálfbæra nýtingu veiðistofna og ábyrga umgengni við umhverfið.
Upplýsingar um starfsmenn og tengiliði
Starfsfólk
Hjá Dögun starfar öflugt teymi með mikla reynslu og fagmennsku. Fyrirtækið leggur áherslu á gott starfsumhverfi, jafnrétti og sanngjörn kjör, og hefur innleitt jafnréttisáætlun og jafnlaunastefnu sem tryggir jafnræði allra starfsmanna.
Herdís Ólína Hjörvarsdóttir
Sérfræðingur á gæða- og framleiðslusviði
Framleiðslusvið
Almennar fyrirspurnir
Vottanir og viðurkenningar
Gæði, öryggi og ábyrg framleiðsla eru órjúfanlegur hluti af starfsemi Dögunar. Vottanir og viðurkenningar okkar endurspegla þá áherslu sem við leggjum á gæðastjórnun, sjálfbærni og traustan rekstur.
